Anun lĕ ƀing khua: Khua hơđăp git gai Ping gah dêh čar Lao, Khua mir sir dêh čar Lao Choummaly Sayasone; Khua hơđăp git gai Ping gah dêh čar, Khua mir sir Lao Bounnhang Vorachith hăng Khua dêh čar hơđăp Thongsing Thammavong.

Khua mir sir ơi Võ Văn Thưởng hok mơ-ak lơ̆m hơmâo bưp khua mua prong, gơyut gơyâo jê̆ giăm sui thun mơng khua mua hăng mơnuih ƀon sang Việt Nam; bơni kơ ƀing khua hơđăp dêh čar Lao hơmâo lu tơlơi gum pơgôp prong prin bơbuă kơjăp tui tơlơi rô nao rai ngă giăng mah yôm pơphăn kơplah wah Việt Nam hăng Lao ăt kah hăng lêng kơ lăng ba, djru pơđĭ kyar abih bang tơlơi rô nao rai ngă gŏp kơplah wah dua boh dêh čar. Khua mir sir đăo gơnang, yŭ kơ tơlơi git gai črâo bruă mơng Ping gah dêh čar Lao, lŏn ia Lao amra tañ găn rơgao tơnap tap, jai hrơi pơđĭ kyar mă pô, pơdrong asah, mơnuih ƀon sang Lao jai hrơi trơi pơđao yâo mơ-ak.