Hok mơ-ak čơkă khua anih jưh dêh čar tač rơngiao blung a lơ̆m ñu ngă khua mir sir, ơi Võ Văn Thưởng pơpŭ bơni kơ hơdôm tơlơi gum djru mơng Khua anih jưh pơ ala Australia dong mơng hrơi ngă bruă ƀơi Việt Nam hăng lu bruă pơtom hiăp yôm, ngă kơjăp hăng pơđĭ tui tơlơi rô nao rai ngă hrŏm prong kơplah wah Việt Nam hăng Australia.

Khua mir sir lăng yôm tơlơi hơmâo ngă hmư̆ hing mơng Australia, biă ñu amăng bruă hơkrŭ glăi hăng pơđĭ kyar bơwih ƀong huă tơdơi kơ abih klin laih anun đăo gơnang kơ lŏn ia Australia jai hrơi đĭ kyar hloh, hơmâo lu tơlơi dưi ngă phrâo amăng hrơi blan pơ anăp. Việt Nam bơni kơ Australia jing pô djru vaccine prong tal 2 kơ Việt Nam hăng 26 klăk 400 rơbâo liêu vaccine pơgang Covid-19, mơng anun djru Việt Nam dưi pơgang klin kheng, tañ rŭ glăi tơlơi bơwih ƀong hơdip mơda.