Khua mir sir ơi Võ Văn Thưởng lăi pơtong tơlơi yôm mơng tal rai čuă Việt Nam anai mơng grup lĕ hrơi mông kiăng dua bơnah pơlăi nao rai hơdôm jơlan gah ngă hrŏm Việt Nam-Nga, amăng anun hơmâo ngă hrŏm kơplah wah dua Ping gah, dua Kơnuk kơna.

Dua čô khua git gai tŭ ư pơ anăp anai amra tŏ tui pơtrut pơbưp nao rai gru grua, mơnuih ƀon sang, ngă tui pran gơgrong mơng djop khul giang mah dua bơnah, kơtưn thâo hluh tơdruă, kah hăng djă pioh hơdôm gru grua hiam klă amăng tơlơi rô nao rai sui giăm 75 thun. Khua mir sir ăt pơpŭ bơni hăng rơkâo dêh čar Nga tŏ tui đing nao, ngă gêh gal brơi mơnuih ƀon sang Việt Nam ƀơi Nga dưi dŏ hơdip, mă bruă, hrăm hră sui thun hăng hơđong.