Khua mir sir lăi lĕ, bruă dua bơnah djă hnong pơtrut tơlơi rô nao rai ngă giăng mah, pơblih nao rai khul grup khua mua pơprong čuă jơmư trư găn, mă bruă hrom yôm biă mă kiăng pơtrut bruă ngă giăng mah dua bơnah. Khua mir sir ăt lăng yôm bruă yă Michelle Bachelet ră anai ngă khua anom bruă pơgang tơlơi dưi ană mơnuih mơ̆ng Sang gum hơbit djop dêh čar pơgôp prong amăng bruă hrom abih bang djop dêh čar hăng jar kmar.

Tơlơi gêh găl ngă hrom dua bơnah, yă Michelle Bachelet lăi lĕ, wơ̆t hăng Việt Nam hăng Chile lêng kơ ding kơna Khul pơgang tơlơi rơnuk rơnua mơ̆ng Sang gum hơbit djop dêh čar; hrom hăng hră pơkôl ngă hrom hlom bom dua bơnah kơtưn hloh kơñ pơgi ni anăp hăng ngă hrom djop dêh čar amăng kual Thaí Bình Dương. Anai yơh anŏ kiăng hrom ngă kjăp giăng mah. Yă Michelle Bachelet ăt rơkâo dua bơnah gum hrom ngă tui djơ̆ tơhnal pơtrun amăng jar kmar kiăng pơgang tơlơi rơnuk rơnua hăng pơđĭ kyar.