Khua mir sir brơi thâo, hrơi blan giăm anai, Khua mir sir dêh čar ta hăng Mông Cổ hơmâo lu wơ̆t pơbưp, mơ̆ng anun ngă kjăp tui tơlơi đăo kơnang nao rai bruă kơđi čar hăng pơtrut ngă hrŏm dua bơnah. Hok mơ-ak lơ̆m tơlơi ngă hrŏm bơwih ƀong, sĭ mơdrô dua bơnah jai hrơi đĭ tui, Khua mir sir čang rơmang prăk pơhrui mơ̆ng bruă sĭ mơdrô dua boh dêh čar tañ hơmâo 200 klăk dolar Mi, lu 2 wơ̆t pơhmu hăng ră anai.

Khua mir sir lăng yôm bruă dua Anom bruă tơgŭ kơđi hơmâo tơlơi kĭ pơkôl ngă hrŏm mơ̆ng thun 2014 hăng lu boh than ba glăi, mơ̆ng anun gum pơgôp kơ tơlơi rô nao rai dua bơnah. Amăng tal anai, dua Anom bruă tơgŭ kơđi wai lăng tơlơi phiăn ba tơbiă lu tơlơi ngă hrŏm yôm, ngă dlăm tui tơlơi rô nao rai dua boh dêh čar.