Khua mua hơdôm boh dêh čar, hơdôm Ping gah pơpŭ hơdôm tơlơi dưi prong prin amăng pơđĭ kyar, pơjing lŏn ia Việt Nam tui tơlơi git gai mơng Ping gah Cộng sản Việt Nam, Khua apăn akŏ lĕ Khua git gai Ping gah dêh čar ơi Nguyễn Phú Trọng; pơsit tong amra tŏ tui hrŏm hăng Khua git gai Ping gah pơtrut tơlơi rô nao rai dua bơnah, ƀu pơdơi pơđĭ kyar. Khua git gai Ping gah, Khua mir sir dêh čar Lao Thongloun Sisoulith pơsit tong Khua git gai Ping gah ơi Nguyễn Phú Trọng lêng kơ đing nao hăng pơgôp prong prin amăng bruă pơtrut tơlơi rô nao rai giang mah hing ang, pran gum pơgôp yôm phăn hăng ngă hrŏm djop mơta kơplah wah dua Ping gah, dua kơnuk kơna hăng mơnuih ƀôn sang Lao-Việt Nam, djă pioh gru grua hiam klă tŏ tui hơđong kjăp na nao.

Khua git gai Ping gah, Khua mir sir dêh čar Khač ơi Tập Cận Bình pơsit tong, lăng yôm tơlơi rô nao rai kơplah wah Khač-Việt Nam, amra hrŏm hăng Khua git gai Ping gah ơi Nguyễn Phú Trọng tŏ tui pơplih hơdră anăp nao pơjing tơlơi hơdip djru nao rai pơgi kơdih kơplah wah Khač-Việt Nam jai hrơi dơlăm hăng sit nik.