Ră anai, hơmâo 733 boh anom bruă čih tơlơi pơhing, hrŏ trun 189 boh sang bruă pơkă hăng hlâo kơ anun, djru hrŏm bruă ngă hơbôt hloh gah anom bruă čih tơlơi pơhing hăng anŏ bruă amăng kơnuk kơna, pơđĭ kơtang bruă mă tŭ yua čih hăng pôr tơlơi pơhing. Ƀơi mông bưp ƀô̆ mơta, djop sang bruă čih pôr tơlơi pơhing rơkâo hăng kơnuk kơna đing nao hloh, tơlơi phiăn pơkă, jơlan hơdră pơtrun phara, kiăng ngă gêh găl brơi tơlơi kơtang kơ bruă čih tơlơi pơhing, kơtưn tơlơi thâo hăng boh yom phun pôr tơlơi pơhing.

Bơni hơ-ơč kơ ƀing čih tơlơi pơhing phrâo, Khua git gai pơ ala mơnuih ƀôn sang dêh čar ơi Trần Thanh Mẫn čih pioh hơdôm tơlơi pơgôp prong amăng bruă pơtô pơblang, pôr pơthâo tơlơi pơhing kơ jơlan hơdră mơ̆ng ping gah, hră pơtrun mơ̆ng kơnuk kơna; hmao kru ngă tui tơlơi pơblih phrâo kah hăng sa tơlơi hơkrŭ dăp glăi sang bruă kơnuk kơna hơbôt hloh, pơtrut rơnoh pơđĭ kyar. Hră pơhing phrâo ăt ngă anŏ gơgrong phun pơgang ba tơlơi pơmin mơ̆ng Ping gah, tơlơi hơkrŭ glăi, pơkơdong hăng tơlơi pơmin soh sat laih anun akŏ pơjing bruă pôr tơlơi pơhing tơpă, hiam klă hăng glam ba sit nik.