Ƀơi Gia Lai, Kơ-iăng khua dêh čar ơi Hồ Quốc Dũng nao pơhmư̆ mông jơnum mut thun hrăm phrâo ƀơi Sang hră kơnuk kơna čem rông gưl sa hăng gưl dua Ia Púch. Sang hră anai hơmâo man ƀơi kual lŏn rơbêh 5 ha, prăk giăm 178 klai prăk, hơmâo 26 anih hrăm, dưi čơkă čơđai hrăm hră, ƀong huă, đih pit kơ giăm 800 čô čơđai, amăng anun lu djuai ania Jarai. Anai jing sa amăng tơjuh boh sang hră kơnuk kơna čem rông pơ guai dêh čar mơ̆ng Gia Lai ba mă yua hlao amăng thun hrăm anai.

Ƀơi Khánh Hòa, Kơ-iăng khua pơ ala mơnuih ƀôn sang dêh čar ơi Nguyễn Khắc Định nao pơhmư̆, brơi gơnam kơ ƀing nai, čơđai sang hră kơnuk kơna čem rông gưl dua hăng gưl klâo Pi Năng Tắc, hăng giăm 480 čô čơđai djuai ania ƀiă. Anih hrăm phrâo hơmâo man pơdong rơbêh 83 klai prăk. Tal anai, 4 boh sang hră gưl sa ƀơi Kual wai lăng phara Trường Sa, tơring čar Khánh Hòa ăt pơphun jơnum mut thun hrăm phrâo mơn./.