Ƀrô čơkă Jơnum prong gah ƀing đăo Phơt, Phật đản-Phật lịch thun 2567-thun biă mă ta 2023, mơguah lơ 31/5, grup hyu mă bruă mơ̆ng ping gah tơring čar, khua mua pơ ala mơnuih ƀôn sang, khua jơnum min mơnuih ƀôn sang, khua anom bruă djop djuai ania mơnuih mơnam Việt Nam tơring čar Dak Lak hyu čuă jơmư, bơni hơ-ơč kơ Khua mua git gai khul đăo phơt Việt Nam hăng ƀing yă yơng ơi phơt djop sang phơt amăng tơring čar.

Ƀơi anih nao čuă hăng bơni hơ-ơč, khua mua tơring čar Dak Lak čih pioh hăng lăng yôm bruă mă mơ̆ng Khul đăo phơt hăng bruă pơgang, man pơdong laih anun pơđĭ kyar lŏn ia hăng tơring čar.

Ƀing đăo phơt, ngă hrom lu bruă mă mơnuih mơnam, djru tơlơi khăp pap, man pơdong sang gum pơgôp, djru hrom ping gah, gong gai kơnuk kơna tơring čar Dak Lak ngă tui tŭ yua tơhnal pơkă bơwih ƀong huă. Khua mua đăo phơt hăng abih bang ƀing djru đăo phơt yơng ăt gum pơgôp kjăp, ngă bruă khăp kơ lŏn ia, djru hrom man pơdong lŏn ia jai hrơi pơđĭ kyar pơdrong sah.