Ƀơi mông bơkơtuai, dua čô khua hơmâo pơčrong sai hăng tŭ ư hrŏm hơdôm anăp bruă či ngă, kiăng ba bruă ngă giăng mah Việt Nam-Australia ăt pơđĭ kyar dơlăm hloh laih anun prong hloh pơ anăp anai, kiăng ngă djop tơhnal pơkă pơđĭ kyar hrŏm ƀơi rim boh dêh čar kah hăng bong kơjăp hăng tơlơi pơblih ayuh hyiăng lŏn tơnah, wơ̆t hăng tơlơi pơblih kơđi čar rung răng amăng kual hăng jar kmar hai.

Dua čô khua ăt tŭ ư hrŏm ngă kơjăp hloh atur bruă kơđi čar, kơnang kơ bruă kơtưn pơčrong sai nao rai ƀơi djop gưl, ngă tong ten hloh amăng bruă ling tơhan-pơgang rơnuk rơnua dêh čar. Giong bơkơtuai nao rai, khua ping gah, khua mir sir ơi Tô Lâm hăng khua dêh čar Anthony Albanese hơmâo dŏ lăng bruă kĭ hră pơkôl dua bơnah, pơblih nao rai lu hră pơar pơkôl pơkă, ngă hrŏm amăng djop bruă  kah hăng kơsem min boh thâo ia rơgơi phrâo, pơblih yua mrô pơčeh phrâo, bơwih ƀong huă mrô, pơtô hrăm-gru grua hiam hăng lu bruă mă pơkŏn....