Pơhiăp tom mơnuih ƀôn sang Việt Nam ta, Khua ping gah, khua mir sir ơi Tô Lâm hơ̆k mơak dưi bưp glăi mơnuih ƀôn sang Việt Nam ta ƀơi dêh čar New Zealand hrŏm hăng mơnuih ƀôn sang dŏ hơdôm dêh čar bul pơtâo Dơnung ia rơsĭ Thái Bình Dương.

Khua ping gah, khua mir sir brơi thâo, tal nao čuă anai mơ̆ng ñu truh pơ dêh čar New Zealand kiăng pơtrut tui bruă ngă giăng mah, jĕ giăm ngă hrŏm plah wah Việt Nam hăng New Zealand jai hrơi tong ten hăng tŭ yua hloh. Khua ping gah, khua mir sir čang rơmang mơnuih ƀôn sang Viêt Nam ta ăt thâo gum pơgôp nao rai, gum tơngan hrŏm akŏ pơjing khul mơnuih ƀôn sang ta pơđĭ kyar kơtang, ăt pơ-ư ang gru grua djuai ania, anăp glăi kơ dêh čar ta pô, lŏn ia ta pô hăng djru pơbŭ đĭ bruă ngă giăng mah pŭ ƀăn mơak klă plah wah Việt Nam hăng New Zealand ăt kah hăng ƀơi hơdôm dêh čar ieo gah amăng plao ia rơsĭ jai hrơi pơđĭ kyar hloh.