Mơguah kơnôl 17/6, ƀơi sang jơnum prong Ding jum ling tơhan pơphun jơnum prong, kơdrưh biă mă ruah khua khul tơhan hơđăp Việt Nam tal VIII rơwang bruă thun 2026-2031 hăng akŏ ñu: Pơđĭ tui kơnuih hiam “Ling tơhan rơnuk Wa Hồ”, gru gru “Tong ten-Gum pơgôp-Ba gru hlâo-Pơblih phrâo”; akŏ pơdong khul tơhan hơđăp Việt Nam tơpă, rơgoh, kơjăp kơtang, ngă giong tŭ yua hiam bruă jao.

Đĭ pơhiăp git gai mông jơnum, Khua ping gah, khua mir sir ơi Tô Lâm lăi pơtong, Lŏn ia ta hlăk yak nao rơnuk rơbâo thun pơđĭ kyar phrâo hăng tơlơi kiăng prong hloh, tơhnal pơkă hăng bruă kiăng ngă ječ ameč; lơ̆m anun, anŏ či kiăng hăng khul tơhan hơđăp Việt Nam lĕ, ƀu kơnong ngă giong bruă jao tui gru grua đôč ôh, dŏ pơblih phrâo tong ten boh yom phun mă bruă, hơdră či ngă; pơđĭ kơnuih hiam mơ̆ng khul. Tui hăng tơlơi či kiăng anai, khua ping gah, khua mir sir ơi Tô Lâm  rơkâo, Jơnum ruah khua tal anai đing nao pơčrong sai tong ten, tŭ ư ngă tui klă bruă jao akŏ pơdong khul tơhan hơđăp Việt Nam kơjăp kơtang hlom bom, jing ling tơhan kơđi čar-mơnuih mơnam lăp đăo kơnang kơ ping gah, kơnuk kơna hăng mơnuih ƀôn sang.