Ƀơi mông mă bruă, Khua ping gah, Khua mir sir ơi Tô Lâm lăi pơtong, man pơdong atur man pơkra sa hnơ̆ng jing sa bruă mă yom, hơmâo anŏ tŭ yua prong sui thun hăng pơdjơ̆ nao ƀơi anăp anih anom pơđĭ kyar, pơđĭ tui tơlơi thâo mă bruă pơhno nao rai laih anun pơjing atur ba lŏn ia Việt Nam jing lŏn ia pơdrong hăng pơđĭ kyar amăng thun 2045.

Khua ping gah, khua mir sir bơni kơ boh tơhnal mơ̆ Kơnuk kơna, djop ding jum, anom bruă, tơring čar, ƀôn prong amăng dêh čar hơmâo ngă, ba glăi boh tơhnal tŭ yua hiam, djru pơsir hĭ lu tơlơi dŏ gun hăng pok pơhư prong anih pơđĭ kyar bơwih ƀong huă. Khă hnun, hrŏm hăng boh tơhnal dưi ngă, jơlan glông atur man pơdong ră anai aka ƀu ngă djơ̆ anŏ kiăng pơđĭ kyar dua mrô hăng tơhnal pơkă rơnoh pơhrui glăi lu ôh. Khua ping gah, khua mir sir ơi Tô Lâm lăi pơthâo brơi, sa, dua anăp bruă mă phun hăng pơtong sit, amăng črăn pơđĭ kyar pơ anăp lĕ, atur jơlan glông khom lăng kah hăng bruă glăm ba prong hloh; pơjing pran kơtang akŏ pơjing rai bruă mă pơkra ming phrâo, tui ia rơgơi phrâo khin ngă, khin glăm ba bruă jao laih anun ngă pô boh thâo ia rơgơi, kơtưn bong glăi hăng pok prong anih anom pơđĭ kyar phrâo kơ lŏn ia.