Ƀơi anai, Khua ping gah, Khua mir sir ơi Tô Lâm brơi thâo, hăng bruă wai lăng djru ba, ngă tui jơlan hơdră pioh kơ tơhan ruă nuă hăng sang anŏ mơnuih djai pơsăn drơi jăn kơ lŏn ia, pioh kơ ƀing tơhan rơka rơkač hăng tơhan duăm ruă, khul tơhan hơđăp, ƀing hơmâo pơgôp pran jua djru kơ bruă pơklaih rơngai djuai ania, pơlir lŏn ia, pơgang tơlơi dưi ngă pô hlom bom amăng dêh čar, pơgang tơlơi rơnuk rơnua hơđong kơ mơnuih ƀôn sang….

Ping gah, Kơnuk kơna hăng abih bang mơnuih mơnam amăng dêh čar hlăk gir run hơduah ĕp jơlan hơdră, rŭ kuai laih anun pơtong glăi anăn krăn pô ƀing tơhan  pơsăn drơi dor amăng dêh čar pô mơ̆ aka ƀu thâo anăn hlâo kơ anai laih anun ƀing tơhan bơrơbuh đih pơsăn drơi ƀơi dêh čar tač rơngiao yua djru bruă jar kmar. Khua ping gah, khua mir sir ơi Tô Lâm, rơkâo sang bruă anai ngă hrŏm sang ia jrao  djop gưl, brơi pơkă lăng, pơjrao djơ̆ lăp hmao kru; anăm lui ngă hră pơar kaih pơjrao brơi kơ ƀing tơhan hơđăp, rơka rơkač. Yua kơ tơlơi mơ̆ Ping gah, kơnuk kơna hăng mơnuih mơnam amăng dêh čar khom ngă hrŏm, kah pơpha tơlơi gleh glar, tơnap tap, ruă nuă hăng ƀing anong wa, adơi ayong, adơi amai tơhan rơka ruă nuă hơdip mơda mơak, suaih pral, hyuk hyak, dưi pơgang hăng tơlơi khăp pap, tơlơi luă gŭ pơpŭ sit nik hơdor tơngia.