Jơnum anai čih pioh, lăng yom  hơdôm boh tơhnal dưi ngă ƀuh rơđah mơ̆ng anom bruă tơhan kông an mơnuih ƀôn sang thun blan rơgao, lăi pơtong anai jing khul ling tơhan hơmâo pơgôp hrŏm prong biă mă amăng boh tơhnal pơđĭ kyar hrŏm amăng lŏn ia. Khua ping gah, Khua mir sir lăi pơtong, mơ̆ng akŏ thun 2026 truh ră anai, Ping gah anom bruă tơhan kông an dêh čar ăt djă bong kơjăp pran jua mă bruă tong ten hăng ping gah hơdor tơngia kơ ană plơi pla, pơđĭ tui boh tŭ yua amăng bruă mă, lăi pơthâo hơdôm bruă yom phun hăng pok pơhai tŭ yua djop bruă mă lăp đing nao hloh.

Kơ bruă či ngă amăng 6 blan rơnuč thun dơ̆ng, Khua ping gah, Khua mir sir ơi Tô Lâm lăi pơtong hơdôm mơta bruă, amăng anun khut khăt pok pơhai bruă pơgang hơđong rơnuk rơnua dêh čar djơ̆ hăng tơlơi kiăng, tơlơi thâo hluh phrâo mơ̆ng Ping gah, pok pơhư prong anih anom pơgang ba, kơtưn amăng bruă, tơlơi thâo thăi, pơgang lŏn ia amăng djop mơta tơlơi či hơmâo. Pơtum nao bruă lăi pơthâo akŏ pơdong mơnuih tơpuôl, khul mơnuih mơnam tơpă, djơ̆ rơ-ua thâo rơgơi, hiam mơak pơđĭ kyar. Ăt pơtong rơđah, tong ten anŏ gơgrong phun ba jơlan hlâo ngă tui Hră pơtrun mrô 57 mơ̆ng Ding jum kơđi čar hăng pơblih kơtang ia rơgơi tơlơi kơhnâo, pơblih pơčeh phrâo hăng ba yua mrô.