Klah čun glăi mông jơnum, Khua ping gah, Khua mir sir ơi Tô Lâm pơsit, pơ anăp kiăng pơtŏng glăi anŏ klă mơnuih mă bruă, khŏm pơplih mơ̆ng kiăng kơ lu mơnuih jing lăng yom anŏ rơguăt, kjăp bruă, laih anun tơlơi gum pơgôp, gơnam pơkra rai mơ̆ng mơnuih mă bruă.

Khua ping gah, Khua mir sir ơi Tô Lâm pơtă hlâo, kual mơnuih ƀôn sang djuai ania ƀiă hăng čư̆ siăng yom biă amăng bruă bơwih ƀong huă - mơnuih mơnam, pơgang lŏn ia, rơnuk rơnua, anih hơdip mơda hăng khul gum pơgôp djŏp djuai ania. Mơnuih mă bruă amăng kual anai jing tơlơi gêh găl či đĭ kyar yom samơ̆ ăt dŏ hơmâo lu tơlơi tơnap gah tơlơi hrăm, bruă hơmâo hrăm, prăk kăk, bơwih brơi gah bruă mă; kiăng khŏm djru brơi mă bruă hơđong kual mơnuih ƀôn sang djuai ania ƀiă hrŏm hơbit hăng râu mơdưh anŏ kơtang hrŏ trun hơđong kjăp, djă pioh gru grua djuai ania, yua dah mă bruă hơđong mơ̆ng mơnuih djuai ƀiă ƀu kơnong jing hơdră djru mơnuih mă bruă đôč ôh ăt jing hơdră djru djuai ania, djru hrŏ trun ƀun rin, djru đĭ kyar ană mơnuih laih anun ngă kjăp pran jua đăo kơnang mơ̆ng mơnuih ƀôn sang./.