Jơlan hơdră anai pơtŏp rơguăt, pơthâo brơi tơlơi phrâo hơmâo, pơphun mơ̆ng kơnôl 17/8/2026 hơmâo 63 čô mơnuih hrăm, jing ƀing khua apăn bruă Ping gah dêh čar. Bruă hrăm anai lăi nao tơlơi pơtô djơ̆, tơlơi hơmâo sit nik phrâo hloh, pơđĭ tui tơlơi rơgơi wai lăng kơ ƀing khua prong mơ̆ng Ping gah amăng rơnuk phrâo. Khua ping gah, Khua mir sir ơi Tô Lâm lăi rơđah, anih hrăm anai hơmâo pok hlao amăng thun blung angă tui Hră pơtrun Ping gah dêh čar tal XIV.

Bruă akŏ phun hloh ră anai lĕ pơphun ngă bruă: pơjing tơlơi pơtrun jing jơlan hơdră dưi ngă tui, ngă ha amăng plĕ laih anun hơmâo boh tŭ yua; ngă brơi tơlơi pơmin pran jua mơ̆ng Ping gah jing anŏ đĭ kyar mơ̆ng lon ia hăng tơlơi hơdip yâo mơak hyôk hyak hloh mơ̆ng Mơnuih ƀon sang. Khua ping gah, Khua mir sir lăi dlăm, rim čô mơnuih nao hrăm ƀu kơnong git gai sa bruă, ƀudah pơ tơring pơpă đôč ôh, ăt jing ding kơna Khul khua apăn bruă ping gah dêh čar - anih git gai prong hloh mơ̆ng Ping gah plah wah dua tal Jơnum. Yua hnun, khŏm pơmin prong lăng nao abih bang amăng čar ta, ngă bruă yua klă kơ abih bang, hrŏm hăng Gơnong dlông glăm ba ƀơi anăp Ping gah, ƀơi anăp Mơnuih ƀôn sang kơ hơdôm tơlơi pơsit yom pơphăn hăng tơlơi hơdip kơñ pơgi ni anăp mơ̆ng lŏn ia./.