Ƀơi mông bưp, Khua ping gah, Khua mir sir đăo kơnang kơ anŏ đĭ kyar hơđong mơ̆ng Australia ƀu kơnong ngă pơdrong sah kơ mơnuih ƀôn sang Australia, kơ tơlơi rô nao rai Việt Nam - Australia đôč ôh, ăt gum pơgôp kơ tơlơi rơngai, hơđong hăng pơdrong sah mơ̆ng kual hăng ƀơi rŏng lŏn. Lăi nao tơlơi rô nao rai dua bơnah, Khua ping gah, Khua mir sir ơi Tô Lâm lăi, Australia jing gơyut gơyâo, ngă gŏp đăo kơnang sit, hơmâo lu tơlơi klă yom hrup hăng Việt Nam. Việt Nam pơpŭ kơ tơlơi gum djru mơ̆ng Australia amăng bruă đĭ kyar lŏn ia, laih dong čang rơmang ba tơlơi rô nao rai dua boh dêh čar jai hrơi dlăm hloh, sit nik hăng tu yua.

Kơ jơlan gah ngă hrŏm, Khua ping gah, Khua mir sir ơi Tô Lâm kiăng dua bơnah ngă kjăp tui tơlơi đăo kơnang kơđi čar kiăo tui mông bơkơtuai khua mua pơprong hăng hơdôm glông jơlan ngă hrŏm, pok prong ngă hrŏm pơgang lŏn ia - wai lăng rơnuk rơnua; pơtrut sĭ mơdrô, tuh pơ alin, anăp nap rơnoh prăk pơhrui dua bơnah 20 klai USD hăng đĭ kơtang bruă tuh pơ alin dua bơnah./.