Ƀing pơ ala Khua pơ ala mơnuih ƀôn sang dêh čar pơdah pran jua tŭ ư hrŏm hăng tơlơi lăi pơthâo glăi mơ̆ng Gong gai dêh čar pơsit jơlan đĭ kyar dưi hơkrŭ glăi, bơwih ƀong prong hơđong, hơdôm anô̆ ngă dưm kơnar prong mơ̆ng bruă bơwih ƀong phun dưi pơhlôm, pơsir ngăn rơnoh yua kơ bruă hrŏm hmâo 17,4% kơčăo bruă, dlông hloh amăng 4 thun jê̆ hăng anai, jing bôh than pơtrut mrô kiăng amăng lŏn ia.

Amăng mông lu tơlơi tơnap, ƀing khua pơ ala lăi rơđah: anô̆ rơđah hloh lăp djă pioh lĕ kual ngă đang hmua pơtŏng sit dong bruă phun gơgrong mơ̆ng bruă bơwih ƀong, pơhlôm hơđong tơlơi hơdip mơda mơnuih mơnam, hơđong braih huă amăng lŏn ia. Bruă đang hmua, mơnuih ngă đang hmua, plơi pla glăk pơplih pô amăng bruă pơdŏng plơi pla phrâo hăng hmâo hơdôm tơlơi gum hơgôp klă amăng rơnoh đĭ kyar./.