Anai lĕ bôh yôm prong, hmâo bơdjơ̆ nao abih bang mơnuih mơgăt rơdêh nao rai ƀơi jơlan glông, dưi hmâo mơnuih ƀôn sang hăng abih bang mơnuih ƀôn sang biă ñu đing nao amăng hơdôm hrơi rơgao. Ră anai hră čih pơkra Tơlơi phiăn ba tơbiă rơkâo tơlơi gum pơhiăp khua pơ ala mơnuih ƀôn sang 2 jơlan gah. Samơ̆ hơdôm mơnuih amăng Jơnum min apăn bruă Khua pơ ala mơnuih ƀôn sang tŭ ư hrŏm, hluai tui hăng Jơlan gah sa, Pơkă kom mơgăt rơdêh lơm mơñum tơpai.

Khua Jơnum min apăn bruă tơlơi phiăn mơ̆ng Khua pơ ala mơnuih ƀôn sang dêh čar Lê Thị Nga lăi rơđah: Rơgao hơdôm hrơi ngă tui tơlơi pơkă kom dưi mă yua hăng dưi hmâo lu mơnuih tŭ ư hrŏm ngă tui hăng glăk amăng ƀrư̆ pơjing bôh thâo “sit lăi mơñum tơpai lĕ ƀu mơgăt rơdêh”, hrŏm hăng anun ngă plai ƀiă tơlơi truh ƀơi jơlan glông yua kơ tơpai, ƀiêr ba truh. Jơnum min apăn bruă Khua pơ ala mơnuih ƀôn sang ăt rơkâo mơn pơkă rơđah kơ pơgang ba čơđai muai lơm nao rai ƀơi jơlan glông./.