Năm blan akŏ thun, Nghệ An pok pơhai ha amăng plĕ bruă ling tơhan, wai pơgang rơnuk rơnua, tŏ tui tơhnal pơkă prap blah ngă, wai pơgang guai lŏn ia hăng hơđong amăng ƀon lan. Tŭ yap boh than dưi ngă mơng tơring čar, Khua tơhan rơkâo Nghệ An tŏ tui đing nao ngă tui tŭ yua hơdră bruă 500 hrơi mlăm hyu ĕp, klơi pơƀut, ĕp anăn krăn pô tơlang tơleh tơhan anăp nao tal hơdor glăi 80 thun hrơi tơhan rơka-tơhan djai pơsăn drơi.

Tơring čar kiăng git gai khut khăt bruă ĕp brơi anăn hơdôm boh pơsat aka ƀu thâo krăn ƀơi hơdôm boh pơsat dor tơhan, kiăng kơ hơdor tơngia tơhan djai pơsăn drơi hăng lăp djơ̆ tơlơi čang rơmang mơng mơnuih amăng sang anŏ.