Lu tơlơi pơgôp hiăp lăi, pơplih mơtah mơda hăng ngă tui hơnong pơkă ESG ră anai jing bruă khŏm ngă ƀơ̆i yơh, kiăng anom bơwih ƀong hơmâo na nao hră rơkâo blơi gơnam, pok prong anih mơdrô laih anun dưi pơhno hloh dong. Kiăng dưi ngă tơlơi anai, anom bơwih ƀong kiăng pơhrŏ trun hơƀak jrak, wai lăng rơđah, mă yua klă kông ngăn hơmâo amăng anih hơdip, ngă mơak anih mă bruă, hăng rơđah djŏp tơlơi pơhing, hră pơ-ar.

Pơhiăp ƀơi mông jơnum, Khua jơnum min mơnuih ƀôn sang tơring čar Gia Lai ơi Phạm Anh Tuấn pơsit, rơwang thun 2026-2030, tơring čar pơsit amra pơplih boh thâo mrô, pơplih mơtah mơda, đĭ kyar bruă pơkra gơnam, apui lơtrik phrâo hăng ngă hmua mă yua boh thâo yom. Khua jơnum min mơnuih ƀôn sang tơring čar Gia Lai ƀuăn gong gai amra pơplih mơ̆ng tơlơi pơmin wai lăng jing bơwih brơi, gum ngă bruă hăng anom mơdrô pok pơhai hơdôm kơčăo bruă./.