Hrŏm hăng tơlơi pơgôp hiăp mơng tơring čar Gia Lai, Jơnum hơmâo tŭ mă dong 11 tơlơi pơgôp hiăp pơkŏn mơng khua mua tơring čar Kon Tum, Dak Lak, Dak Nông, Lâm Đồng hăng sa, dua čô mơnuih rơgơi kơhnâo, Khua pơ ala mơnuih ƀon sang kơ hơdôm bruă dŏ gun bơdjơ̆ nao hơdră lŏn dŏ, lŏn ngă hmua, lŏn glai; bruă mă yua lŏn 5% mơng ƀon lan; brơi bơwih ƀong gah yŭ glai rưng…kiăng sem lăng, pơplih pơkra.

Pơđut mông jơnum, ơi Quàng Văn Hương-Kơ-iăng khua khul djuai ania mơng Ƀirô Khua pơ ala mơnuih ƀon sang dêh čar brơi thâo: Khul djuai ania mơng Ƀirô Khua pơ ala mơnuih ƀon sang dêh čar tŭ mă boh tơhnal phun bơdjơ̆ nao hơdôm tơlơi pơkă amăng črăn tơlơi phiăn pơ ala brơi hơdôm kual kiăng kơsem min hăng rơkâo hơdôm hơdră djru brơi kual djuai ania ƀiă; dua dong lĕ mơ-it nao khul čih pơkra, kiăng hơmâo tơlơi tŭ ư hrŏm.