Tơdơi kơ pel ĕp tơlơi pơkôl, Khul Khua pơ ala mơnuih ƀôn sang tơring čar Dak Lak hmâo tŭ ư hrŏm pel ĕp 2 Tơlơi pơtrun pơsit hmâo: Tơlơi pơtrun pơsit “Pơkă nua rơđah bruă pel ĕp, pơjrao tơlơi ruă mơ̆ng hơdôm bôh anom ia jrao kơnuk kơna amăng tơring čar Dak Lak” hăng Tơlơi pơtrun pơsit “Pơkă rơnoh mă yua kơ pơphun bruă ngă tui mă yua prăk gah hơdră bruă djru mơnuih mơnam kơ hơdôm mơnuih hmâo pơgang gah mơnuih mơnam”.

Yă Huỳnh Thị Chiến Hòa, Khua Khul Khua pơ ala mơnuih ƀôn sang tơring čar Dak Lak lăi lĕ: Wot dua Tơlơi pơtrun pơsit dưi pel ĕp hăng tơlơi tŭ ư prong, pơdah pran pơsit mơ̆ng tơring čar amăng bruă bơwih brơi tơlơi hơdip mơda hăng tơlơi suaih pral mơnuih ƀôn sang. Khul Khua pơ ala mơnuih ƀôn sang tơring čar rơkâo Jơnum min mơnuih ƀôn sang tơring čar git gai hơdôm gơnong bruă, grŭp, bruă mă, tơring glông, plơi prong tañ pok pơhai ngă tui ba glăi bôh tơhnal, sit nik hơdôm tơlơi pơtrun pơsit mă yua amăng tal jơnum./.