
Ba pơplông čal blung a anai hơmâo 97 mơta tơpung ia kơphê Robusta hăng 49 mơta ia kơphê Arabica, ba mơ̆ng lu anih pla kơphê hmư̆ hing kah hăng Dak Lak, Lâm Đồng, Gia Lai, Dak Nông, Kon Tum, Quảng Trị hăng Sơn la....Anai lĕ hơdôm tơpung kơphê ruah mă hiam hloh, dưi pla pơjing phara, hna hơjăn, kiăng pơdah thâo pran jua pơkra ming mơ̆ng pô sang, anom bruă pla kơphê amăng dêh čar ta.

Mơ̆ng lơ 20 truh lơ 23/4, khul čom puang amra pơtong glăi, ruah mă tơpung kơphê hiam čom puang. Bruă čom puang, pơtong glăi tong ten biă mă ngă djơ̆ tơlơi pơtrun mơ̆ng jar kmar, dơ̆ng mơ̆ng ngă gru bơkơnăl, pơtong glăi anih pla, hơdră bơbeč djơ̆ mơ̆ng ia pruih, yua ia jrao, truh pơ pĕ ƀhu, hna, kơ-uă jing tơpung, lông čum ƀâo mơnâo, liah kiăng mưn ia jơman truh pơ bruă ba pơkă hăng măi laih anun ba tơbiă boh tơhnal čom puang.
Viết bình luận