Amăng mông jơnum, Khua dêh čar ơi Phạm Minh Chính brơi thâo, bruă pơgiong črăn tơlơi phiăn kơ pơplông, pơpŭ bơni hăng ba tơbiă hơdôm pok pơ-ar djơ̆ tơlơi phiăn pơkă tong ten tơlơi phiăn pơplông, pơpŭ bơni hơmâo đing nao git gai lăp djơ̆; truh ră anai hơmâo pơgiong laih, ngă gêh gal brơi bruă pok pơhai ngă tui tơlơi phiăn pơplông, pơpŭ bơni ƀơi hơdôm ding jum, gơnong bruă, gong gai.

Khua dêh čar ơi Phạm Minh Chính rơkâo hrŏm hăng ngă klă bruă pơpŭ bơni kiăng ngă lar hyu hơdôm bruă pơplông, pơtrut pơsur brơi abih bang mơnuih pơ-ư ang, hur har yak nao rơnuk pơplih phrâo, rơnuk hrưn đĭ pơdrong asah, hiam klă mơng djuai ania.