Kơ-iăng khua dêh čar ơi Lê Minh Khái bưp, pơčrông sai hăng khua mua, hơdôm anom bơwih ƀong prong mơ̆ng dêh čar Mi
Thứ bảy, 12:49, 06/04/2024
VOV/Siu H'Mai pơblang
VOV/Siu H'Mai pơblang
VOV4.Jarai - Tơdơi kơ pơđut Jơlan hơdră pơtô khua mua git gai gưl prong thun 2024 pơphun ƀơi Boston, Kơ-iăng khua dêh čar ơi Lê Minh Khái hơmâo bưp hăng pơčrông sai hăng ƀing khua hăng anom bơwih ƀong pơprong dêh čar Mi či plơi prong jưh jom Washington.
Ƀơi mông bưp Khua khul pơphô bruă bơwih ƀong Jared Bernstein, Kơ-iăng khua dêh čar Lê Minh Khái lăi tơdơi kơ pơđĭ tui tơlơi rô nao rai ngă gŏp abih bang blan 9 thun 2023, dua boh dêh čar amra hơmâo lu tơlơi gêh gal phrâo kơ bruă ngă hrŏm amăng lu bruă.
Kơ-iăng khua dêh čar lăi bruă ngă hrŏm bơwih ƀong huă - sĭ mơdrô jai hrơi yôm hăng ba glăi boh tŭ yua bơwih ƀong, jing bruă yôm phun hăng pơtrut tui tơlơi ngă hrŏm dua bơnah; kiăng dua boh dêh čar ngă tŏng ten, ngă tŭ yua bruă hơmâo amăng tơlơi rô nao rai Ngă gŏp yôm abih bang bruă. Ơi Bernstein hok mơ-ak kơ tơlơi đĭ kyar Việt Nam - Mi, biă ñu amăng bruă bơwih ƀong, sĭ mơdrô, tuh pơ alin; pơsit dêh čar Mi amra ngă gal brơi kiăng pơđĭ tui hloh tơlơi ngă hrŏm dua bơnah amăng hrơi blan pơ anăp.
Viết bình luận