Kơ-iăng Khua dêh čar ta ơi Lê Minh Khái pơsit, Bình Dương lĕ tơring čar hmâo tơlơi gum hơgôp prong kơ ngăn drăp lŏn ia hăng pơđĭ kyar bơwih ƀong mơnuih mơnam mơng đơ đam dêh čar. Tơdơi rơbêh kơ 25 thun, Bình Dương hmâo hrưn đĭ jing anih anom hloh rơnoh pơkă kơ bruă măi mok, bơwih brơi. Kơ-iăng Khua dêh čar ta rơkâo, Bình Dương khom đing nao ngă tui bôh tơhnal jơlan hơdră bruă mă mơng Kơnuk kơna tui Tơlơi pơtrun pơsit mrô 24 mơng Ding jum kơđi čar hăng kơčăo bruă ngă mơng tơring čar.

Bình Dương pok pơhai tơpă bruă pơsir prăk yua kơ bruă hrom; kơtưn iâu pơhrui mă yua ba glăi bôh tơhnal hơdôm ngăn rơnoh kơ pơđĭ kyar, biă ñu bruă gum hrom gah bruă hrom pioh iâu pơhrui ngăn rơnoh mơng anom bơwih ƀong, mơnuih ƀôn sang, mơnuih mơnam tui tơlơi pơkă djơ̆ hơdră tŭ yua. Bình Dương khom thâo kơjăp tơlơi kiăng pơtlaih amăng bruă bơwih ƀong huă, sĭ mơdrô kơ anom bơwih ƀong, bơwih brơi tơlơi hơdip mơnuih mă bruă; ngă klă bruă pơkă kual lŏn hrom mơng tơring čar./.