Thun 2025, hrŏm hăng bruă pơčrâo trun brơi pơhlôm pơgang klin, pơđĭ tui anŏ tŭ yua amăng pơkă lăng hăng pơjrao duăm ruă, Ding jum ia jrao amra pơtum jŭ yap glăi, dăp hơbôt ƀiă bruă mă amăng gơnong bruă ia jrao gah Ding jum ia jrao wai lăng, tui hơbô̆ bruă akŏ pơdong sang bruă pel ĕp kman klin duăm ruă ƀơi dêh čar. Dăp glăi akŏ bruă pioh lăi pơthâo Khua dêh čar pơsit, brơi pơblih sang ia jrao gah Ding jum jao glăi kơ tơring čar, ƀôn prong wai lăng, pioh dăp glăi, pơphun bruă mă djop kơ sang ia jrao gah Ding jum ia jrao mơ̆ng ră anai truh thun 2030.

Pơhiăp ƀơi mông jơnum, Kơ-iăng Khua dêh čar ơi Lê Thành Long pơtă pơtăn, Ding jum ia jrao ăt ngă tui klă dăp bruă, pơphun glăi mơnuih mă bruă; ngă djop tơhnal pơkă, hmao kru kiăo tui jơlan hơdră ping gah, ngă tui djơ̆ tơlơi pơtă pơtăn mơ̆ng Khua git gai ping gah ơi Tô Lâm kơ bruă pơblih phrâo kơtang hloh čih pơkra hră pơtrun, tơlơi phiăn djơ̆ lăp hăng pơhlôm djop bruă kiăng mơ̆ng kơnuk kơna wai lăng, laih anun pơtrut bruă pơčeh phrâo ngă hruaih amăng bruă pioh pơtrut pơđĭ kyar, lăng kơ mơnuih ƀôn sang yơh anŏ phun, anăp či mă bruă, tơhnal pơkă, pơtrut pran jua kơtang hloh amăng bruă pơđĭ kyar.