Mơng thun 2017 truh ră anai, rĭm thun sang măi Alumin Nhân Cơ hơmâo pơkra 650.000 tơ̆n quặng tinh, pơgôp giăm 500 klai prăk amăng ngăn drăp ƀon lan hăng ĕp brơi bruă mă kơ rơbêh 1 rơbâo čô mơnuih. Him lăng, rơwang thun 2025-2029, amra pơkra đĭ tui truh pơ 1,2 klăk tơ̆n ha thun, laih dong tuh pơ alin man pơdong sang măi pơkra ñôm hăng dưi pơkra rai rĭm thun 500 klăk tơ̆n. Kơ-iăng khua dêh čar ơi Nguyễn Hòa Bình tŭ yap boh than ba glăi mơ̆ grup hơmâo ngă amăng bruă bơwih ƀong sĭ mơdrô; laih dong rơkâo grup gum hrŏm kjăp hăng Jơnum min mơnuih ƀôn sang tơring čar Dak Nông, sit biă ñu lĕ amăng pơsir hĭ hơdôm bruă lŏn mơnai mơng mơnuih ƀôn sang amăng hơdôm akŏ bruă.

Kơ-iăng khua dêh čar ăt lăi pơtong tơlơi yôm mơng bruă pơtrut kơtang pơkra klă dong amăng gơnong bruă ñôm, rơkâo grup kơtưn tuh pơ alin, pơđĭ kyar kiăng hrưn đĭ rơnoh yôm mơng ñôm, mơng anun pơgôp amăng pơđĭ kyar hơđong kjăp amăng gơnong bruă tuh tia pơkra ming anai.