Tơdơi kơ 1 thun ngă tui hră pơtrun mơ̆ng Ding jum kơđi čar kơ kual hăng bruă mă mơ̆ng khul pơpha bruă amăng kual Dap Kơdư, khul wai lăng bruă mă amăng kual hơmâo pơphun lu bruă mă, ngă tui lu jơlan hơdră, hră pơtrun kiăng pơtrut rơnoh pơđĭ kyar amăng kual Dap Kơdư. Hơnơ̆ng bruă mă rơnoh GRDP amăng thun 2024 mơ̆ng kual Dap Kơdư dưi hơmâo 484 rơbâo klai prăk; GRDP pơkă dưm dưm hăng rơnoh rim čô mơnuih pơhrui glăi dưi hơmâo 78,5 klăk prăk sa thun, sa čô, đĭ tui 16% pơkă hăng thun 2023. Ƀơi mông jơnum, khua mua djop tơring čar amăng kual Dap Kơdư hơmâo pơgôp hiăp, rơkâo đĭ hăng lu tơlơi kiăng, jơlan hơdră či ngă tui dơ̆ng thun blan pơ anăp.

Klah čun ƀơi mông mă bruă, Kơ-iăng Khua dêh čar ơi Nguyễn Hòa Bình lăi pơtong, 6 kơčăo bruă čuk pơkra jơlan hlăk pok pơhai pơtruh nao rai kual Dap Kơdư hăng hơdôm boh kual phun. Khă tui anun, ră anai, kiah hơmâo kơčăo bruă pơkra jơlan rơdêh đuăi hmar Dak Lak hăng Nha Trang čuk pơkra djơ̆ hơnơ̆ng pơkă, dŏ glăi 5 kơčăo bruă ngă kaih biă mă, rơnoh prăk tuh pơ alin ba yua kiah hơmâo 8%. Kơ-iăng Khua dêh čar rơkâo djop tơring čar hăng djop sang bruă kơnuk kơna djơ̆ hrŏm tañ pơsir hĭ, pơtrut hmar hloh bruă čuk pơkra jơlan, tañ ngă tui anŏ gêh găl amăng kual Dap Kơdư hơmâo laih mơ̆ng hlâo.