Ding jum wai lăng jơlan glông pơsit tong rơdêh đuăi hăng apui lơtrik lĕ hơdră klă hloh kiăng plih hĭ rơdêh đuăi hăng ia săng, ia jâu. Amăng mông jơnum, khua mua hơdôm ding jum hơmâo pơlăi nao rai hơdră bruă djru brơi bruă apui yua wai pơgang ayuh hyiăng, dưm dăp anih sak apui lơtrik amăng plơi prong; djru brơi mơnuih ƀôn sang, anom bơwih ƀong pơdŭ pơgiăng hơdai nao mă yua rơdêh đuăi hăng apui lơtrik.

Pơđut mông jơnum, Kơ-iăng Khua dêh čar ơi Trần Hồng Hà rơkâo: Ding jum wai lăng rơhuông adai lŏn mơnai ječ ameč pơgiong hơnong pơkă kơ asăp hơƀak jrak hăng rơdêh glăk đuăi amăng jơlan glông; hơnong pơkă hơdôm kual, ƀon lan ƀuh asăp hơƀak jrak lu hloh kiăng ngă tui hơdôm hơdră pơhlôm ƀiă rơdêh ngă hơƀak jrak, hơdai nao yua rơdêh đuăi hăng apui lơtrik; kơsem min hơbô̆ bruă, tơlơi găn rơgao mơng sa, dua boh ƀon lan gum hrŏm hăng hơdôm khul grup jar kmar tŭ mă ngăn rơnoh kiăng pơplih hơdai nao yua rơdêh đuăi hăng apui lơtrik.