Kơ-iăng khua dêh čar ơi Trần Lưu Quang brơi thâo truh abih thun 2023, rơnoh djru ƀu kiăng tla glăi Kơnuk kơna Hàn Quốc hluai tui  KOICA brơi Việt Nam dưm hơmâo giăm 600 klăk đôlar Mi. Kơ-iăng Khua dêh čar rơkâo KOICA tŏ tui bruă kơtưn djru ƀu kiăng tla glăi brơi kơ Việt Nam, sit biă ñu lĕ amăng pơplih pơčeh phrâo, mă yua boh thâo phrâo, pơđĭ kyar boh thâo.

Laih dong rơkâo KOICA sem lăng pơtrut Kơnuk kơna Hàn Quốc hơmâo tơlơi ƀuăn sit nik brơi akŏ bruă dăng hyu hrĕ apui lơtrik amăng ƀon lan mơng hrĕ apui lơtrik dêh čar amăng tơring čar Điện Biên, hăng abih tih rơnoh mă yua giăm 20 klăk đôlar Mi. Khua KOICA Chang Won-sam brơi thâo Kơnuk kơna Hàn Quốc hăng KOICA lăi yôm biă mă tơlơi rô nao rai hăng dêh čar Việt Nam, him lăng amăng thun anai amra đĭ tui mrô ODA brơi Việt Nam jing 52 klăk đôlar Mi, đĭ giăm 50% pơhmu hăng thun 2023, Khua KOICA pơsit tong tui anun.