Kơ-iăng Khua dêh čar ta pơsit yôm bôh tơhnal tuh pơplai, bơwih ƀong sĭ mơdrô mơng Grŭp LG lăi hrom hăng Sang bruă LG Display lăi ha jăn ƀơi Việt Nam, djru kơ tơlơi pơđĭ kyar bơwih ƀong – mơnuih mơnam ƀơi Việt Nam, djru ngă dơlăm dong tơlơi rô nao rai gum hrom abih bang Việt Nam – Hàn Quốc. Kơ-iăng Khua dêh čar ta čang rơmang Grŭp LG pok prong dong tuh pơplai ƀơi Hải Phòng hăng hơdôm anih anom mơng Việt Nam; rơkâo Grŭp tuh pơplai pơdŏng sa anom kơsem min pơđĭ kyar ƀơi Việt Nam.

Hrom hăng anun brơi thâo Khua dêh čar phrâo pơsit pơplih pơkra kual Pơkă hrom mơng ƀôn prong Hải Phòng truh thun 2040, tơhnal lăng truh thun 2050 hăng tơhnal pơhrua nao lŏn pioh pơlar bruă măi mok, mơng anun pơjing tơlơi gal kơ ƀing tuh pơplai, amăng anun hmâo Grŭp LG pok prong tuh pơplai ƀơi ƀôn prong Hải Phòng./.