Amăng mông Jơnum, khua pơ ala kơ hơdôm ding jum, gơnong bruă hmâo bơkơtuai kơ tơlơi pơđĭ kyar bơwih ƀong – mơnuih mơnam, tơlơi pok pơhai hơdôm bruă mă mơ̆ng Khul git gai kual Dap Kơdư thun 2024 hăng pơkă hlâo jơlan hơdră bruă mă thun 2025.

Hrŏm hăng anun ba tơbiă, rơkâo đĭ jơlan gah, jơlan pơsir phun hăng bruă jao rơđah khom jao kơ hơdôm ding jum, gơnong bruă hăng tơring čar kual Dap Kơdư pioh pơphun pơlir pơđĭ kyar kual hăng ba glăi bôh tơhnal prong hloh; Amăng anun lăi rơđah hơdôm tơlơi pơđĭ kyar apui yua pơkra glăi, kơčăo bruă tuh pơplai pơlar jơlan nao rai tô kual, pơkă kual mă yua lŏn čuah. Kơ-iăng Khua dêh čar ơi Nguyễn Hòa Bình rơkâo ƀing ding kơna Khul git gai kual Dap Kơdư, hơdôm ding jum, gơnong bruă, hơdôm bôh tơring čar amăng kual tô̆ tui klă dong, gơgrong hlâo hloh dong amăng pok pơhai hơdôm bruă jao, jơlan pơsir tơlơi hmâo ba tơbiă, biă ñu pơtrut hơdôm rơwang bruă jơlan nao rai dô̆ ngă kaih rơnoh; črâo ba ngă tui hmâo bôh tơhnal bruă jao pơđĭ kyar bơwih ƀong – mơnuih mơnam nao hrŏm hăng pơgang rơnuk rơnua plơi pla, pơgang lŏn ia ƀơi kual Dap Kơdư./.