Kơ-iăng Khua dêh čar ta rơkâo jơnum đing nao pơblang, pơsit djơ̆ tơlơi braih pơdai ră anai ƀơi anih sĭ mơdrô rŏng lŏn tơnah hăng amăng lŏn ia. Hrŏm hăng anun ngă rơđah yua hơget lơm pơphun huă hơpuă glăi pơphun tơlơi ƀu djơ̆ bơyan hmâo nua, hmâo nua ƀu djơ̆ bơyan glăk ngă tơnap kơ mơnuih ngă hmua pơdai. Hrŏm hăng anun, khom lăng tui, pơkă lăng hlâo hăng pơplih pơkra bruă sĭ blơi braih pơdai gơgrong hlâo, kơjăp phik.

Hrŏm hăng anun kiăng hmâo jơlan pơsir ha amăng plĕ sui hrơi, pơ ala kơ kơnong pơsir tơlơi kiăng ječ pioh pơgang braih pơdai mơ̆ng Việt Nam. pơgang mơnuih ngă hmua pơdai gơgrong hăng bruă ngă hmua pơdai. Tui hăng tơlơi lăi pơthâo glăi, braih ƀơi dêh čar ta ăt djă pioh mơn hơnong kual ngă hmua pơdai hăng sĭ kơ dêh čar tač rơngiao hơđong; kơnong kơ thun 2024, sĭ braih mơ̆ng Việt Nam kơ dêh čar tač rơngiao rơbêh kơ 9 klăk tơn hăng prăk pơhrui hmâo ƀơi rơnoh lu 5,75 klai dolar Mi. Amăng 2 blan akô̆ thun anai, sĭ braih mơ̆ng Việt Nam him lăng hmâo 1,1 klăk tơn./.