Kơ-iăng Khua Ding jum ia jrao dêh čar ta ơi Đỗ Xuân Tuyên brơi thâo, bruă dưm dăp, pơphun glăi sang ia jrao gah Ding jum ia jrao dêh čar tui jơlan gah hrŏ trun phun wai lăng ƀơi anăp, pơhlôm ngă tui djơ̆ tơlơi pơmin, hơdră pơtrun mơ̆ng Ping gah, tơlơi phiăn mơ̆ng Kơnuk kơna, lăp djơ̆ hăng tơlơi pơkă kual anom mă bruă ia jrao jar kơmar hăng tơlơi hmâo sit.

Klah čun mông jơnum, Kơ-iăng Khua dêh čar ta, ơi Trần Hồng Hà lăi rơđah: Bruă dưm dăp hơdôm sang ia jrao gah Ding jum ia jrao, ăt kah hăng hơdôm ding jum gơnong bruă pioh pơphun tuh pơplai, pơdŏng hơdôm anih anom ia jrao hmâo djop tơlơi pơkă pioh ngă tui tơhnal pơkă pơđĭ dlông anô̆ klă, pel ĕp, pơjrao tơlơi ruă kơ mơnuih ƀôn sang. Kơ-iăng Khua dêh čar ta ơi Trần Hồng Hà rơkâo Ding jum ia jrao pel ĕp, pơsit, dưm dăp, pơphun glăi hơdôm sang ia jrao gah Ding jum tui tơhnal pơkă hmâo ră anai; hrŏm hăng anun đing nao tuh pơplai hơdôm bôh sang ia jrao kơjăp, mă bruă ƀơi hơdôm anih anom tơnap tap, kual asuek, kual ataih samơ̆ akă djơ̆ tui tơhnal ba tơbiă sang ia jrao ba jơlan hlâo gơnong bruă./.