Tŭ jum Khua anih jưh pơ ala kơ Mi ƀơi dêh čar Việt Nam Marc E. Knapper, Kơ-iăng Khua dêh čar ta ơi Trần Hồng Hà lăi lĕ, hơdôm hrơi rơgao, tơlơi rô nao rai gum hrom Việt Nam hăng Mi jai hrơi jai kơjăp phik hăng bruă pok pơhai ngă tui hăng hơdôm jơlan gah pơsir lu mơta kơ bŏng glăi hăng pơplih ayuh hyiăng, hơkrŭ pơsir anô̆ sat răm mơng jrao dioxin, pơplih apui yua dưm kơnar (JETP)... Kơ-iăng Khua dêh čar ta ơi Trần Hồng Hà pơtŏng sit: Hơdôm tơlơi đơ đam rŏng lŏn tơnah lĕ phun akha gum hrom yôm phăn kơplah wah Việt Nam hăng Mi, pơtrut tơlơi rô nao rai sit nik, dơlăm, ba glăi nua yôm kơ mơnuih ƀôn sang dua bôh dêh čar; hrom hăng anun djru pơsir hơdôm tơlơi đơ đam rŏng lŏn tơnah.

Tŭ jum Khua anih jưh pơ ala kơ dêh čar Hà Lan ƀơi Việt Nam Kees Van Baar, Kơ-iăng Khua dêh čar ta ơi Trần Hồng Hà lăi lĕ: Pơ̆ anăp anai, dua bôh dêh čar khom pok prong bruă gum hrom, mơng anun pơđĭ tui tơhnal ñu, pơjing pran kơtang, phun akha gum hrom hluai tui pran đăo gơnang ba glăi bôh tơhnal. Kơ-iăng Khua dêh čar ta bơni hơdôm bơnah gum hrom, anom bơwih ƀong Hà Lan gum hrom jơlan hơdră pơphô dưm truă apui pơkĕ mă mơng pơ-iă yang hrơi ƀơi hơdôm bôh sang mơng ƀirô mă bruă kơnuk kơna, sang hră, sang ia jrao, ring bruă plơi pla; gum hrom rơwang bruă pơphô ƀơi Việt Nam kiăng djru ngă giong tơhnal ruah mă pô tuh pơplai; hơdră kơsem min, pơtô glăi hơdră mă yua măi mok; pơsit bôh tơhnal bơwih ƀong; pơhlôm rơnuk rơnua plơi pla, pơhlôm hơđong lŏn ia./.