Lăi pơthâo amăng mông mă bruă brơi ƀuh bruă pơđĭ kyar bơwih ƀong huă akŏ thun ƀơi 3 boh tơring čar lêng đĭ soh. Hơdôm gơnong bruă pơkra pơjing gơnam glăk hơkrŭ glăi hơđong, ƀơi hơdôm anom bơwih ƀong sĭ mơdrô, hrơi mă bruă amăng ha blan hơmâo đĭ tui pơhmu tui tơđar thun hlâo. Khua mua 3 boh tơring čar rơkâo, Kơnuk kơna hăng djop ding jum, gơnong bruă pơsir hĭ tơnap tap amăng hơdră bruă jao lŏn mơnai, brơi yua apah hơdôm akŏ bruă sua mă ter hang ia rơsĭ hơmâo jao; hơdôm tơlơi gun amăng pơkă ngă tui akŏ bruă tuh pơ alin man pơdong sang bơwih ƀong sĭ mơdrô…

Pơđut mông mă bruă, Kơ-iăng khua dêh čar Trần Lưu Quang brơi thâo, lu tơlơi pơgôp hiăp mơng ƀon lan kiăng pơsir hĭ tơnap tap, gun găn hơmâo Kơnuk kơna hăng hơdôm ding jum, gơnong bruă pơsir hĭ. Rơkâo djop ƀon lan hluai tui tơlơi sit nik lăi pơthâo hơdôm anom bruă gơnong glông pơsir hĭ tŭ yua, lăp djơ̆ hloh.