Ră anai, anom bruă Sinh học tŏ tui tŭ mă, răk pioh 37.610 ƀĕ tơlang mơng 08 boh ƀon lan. Hrŏm hăng hơdôm per tơlang tơhan djai pơsăn drơi, anom bruă glăk pok pơhai bruă hyu mă đet asar mơng pô sang tơhan djai pơsăn drơi kiăng pơčrang lăng, gum hrŏm hăng anih răk pioh ADN pô sang yua anom bruă tơhan pôlih wai lăng bruă pơhlôm rơnuk rơnua mơnuih mơnam, Ding jum kông ang wai lăng.

Đĭ pơhiăp amăng mông mă bruă, kơ-iăng Khua dêh čar yă Phạm Thị Thanh Trà rơkâo, anom bruă kơsem min boh thâo ia rơgơi hăng boh thâo măi mok Việt Nam lăng glăi hơdôm bruă ngă blung a mơng gơnam măi mok phrâo, lăi pơthâo brơi Khul git gai, Khua dêh čar hăng kơ-iăng Khua dêh čar; pơphun pơtop hrăm boh thâo phrâo hăng hơdôm anom bruă arăng jao hyu mă, ĕp brơi anăn krăn pô tơlang tơleh tơhan djai pơsăn drơi.