Nao čuă Khul gum hrom hơbit ƀing yă yơng ơi phơ̆t khăp kơ lŏn ia ƀôn prong Cần Thơ, Kơ-iăng Khua git gai wai lăng pơ ala mơnuih ƀôn sang Trần Thanh Mẫn mơ-ak, ƀơi anăp hơdôm tơlơi gum hơgôp mơng ƀing ơi phơ̆t Khul gum hrom hơbit ƀing yă yơng ơi phơ̆t khăp kơ lŏn ia ƀôn prong Cần Thơ hơdôm hrơi rơgao.

Hrom hăng anun pơtong sit, neh wa djuai aniă Khmer hmâo gum hơgôp lu pran jua pioh pơplih, pơkra hơdôm bôh sang phơ̆t; pơsur ƀing đăo phơ̆t đing nao bơwih ƀong huă, sĭ mơdrô kiăng pơplih tơlơi hơdip mơda, hrŏ trun rin rơpa; đăo gơnang hăng bruă mă tơlơi tơpă mơng pô, ƀing yă yơng ơi phơ̆t hrom hăng neh wa djuai ania Khmer hmâo dong hơdôm tơlơi gum hơgôp sit nik hloh dong amăng bruă gum hrom hơbit abih bang djuai ania, pơdŏng hăng pơgang lŏn ia jai hrơi jai kơjăp kơtang./.