Plơi pla mơng bruă Tơgŭ hơkrŭ 1960. Kơ-iăng Khua mir sir dêh čar ta yă Võ Thị Ánh Xuân hmâo tơña bla kơ tơlơi hơdip mơda, bruă mă mơng mơnuih ƀôn sang ƀơi plơi pla hăng pơdah pran jua mơ-ak lom lăng ƀuh plơi pla hmư̆ hing phun bôh pơđung jai hrơi jai pơđĭ kyar.  Kơ-iăng Khua mir sir dêh čar ta yă Võ Thị Ánh Xuân pơsur pran jua mơnuih apăn bruă hăng mơnuih ƀôn sang tơring čar Bến Tre lăi hrom hăng tơring glông Mỏ Cày Nam ngă tui dong phiăn juăt Sông kơtang mơng kual plơi ngă hơkrŭ đưm “phun akha” mơng bruă tơgŭ hơkrŭ đưm hlâo, amăng bruă mă bơwih ƀong huă, pơdŏng plơi pla jai hrơi jai pơdrong asah klă hiam.

Tal anai, Kơ-iăng Khua mir sir dêh čar ta ƀơk laih 50 anung gơnam kơ hơdôm sang anô̆ ƀun rin, sang anô̆ hmâo ngă hơkrŭ đưm, 200 anung prăk djru hrăm hră kơ ƀing čơđai sang hră tơnap tap hăng 10 bôh sang hơdor tơngiă kơ hơdôm bôh sang anô̆ gah hơdră bruă ƀơi tơring glông Mỏ Cày Nam (tơring čar Bến Tre)./.