Mơguah lơ 14/4, ding kơna Grŭp mă bruă Ping gah, Kơ-iăng Khua mir sir dêh čar yă Võ Thị Ánh Xuân gum hrom hăng grŭp hyu mă bruă mơng Anom bruă Khua mir sir, Khua tơring čar Bến Tre hmâo nao čuă, brơi gơnam tam kơ hơdôm bôh sang anô̆ gum djru ngă hơkrŭ đưm ƀơi tơring glông Giồng Trôm hăng Ba Tri (tơring čar Bến Tre).

Nao čuă sang anô̆ rơgom ơi Trương Vĩnh Trọng Kơ-iăng Khua hơđăp dêh čar ta, Kơ-iăng Khua mir sir dêh čar ta hăng grŭp hyu mă bruă hmâo tuĭ ñang hơdor kơ pô apăn bruă, pô ping gah ngă gru, khua git gai tâ̆o klă, jê̆ giăm hăng mơnuih ƀôn sang. Kơ-iăng Khua mir sir dêh čar yă Võ Thị Ánh Xuân tơña bla, hơ-ư̆č hmưi tơlơi suaih pral yă Hồ Công Cẩn bơnai rơgom ơi Trương Vĩnh Trọng hăng sang anô̆ hmâo lu tơlơi mơ-ak hăng tâ̆o yâu. Ăt amăng hrơi anun mơn, Kơ-iăng Khua mir sir dêh čar yă Võ Thị Ánh Xuân hăng grŭp hyu mă bruă hmâo nao čuă, ƀơk gơnam kơ amĭ Việt Nam Sông kơtang Phan Thị Ren, ƀơi ấp Nhơn Quới, să Mỹ Nhơn, tơring glông Ba Tri. Kơ-iăng Khua mir sir dêh čar tơña bla tơlơi suaih pral hăng hơ-ư̆č hmưi ñu hơdip mơ-ak hăng sang anô̆, ană tơčô./.