Pơhiăp amăng mông bưp, Kơ-iăng Khua mir sir yă Võ Thị Ánh Xuân lăi pơtong, lăng glăi gru phun lŏn ia pơ klôn adih akŏ pơdong hăng wai pơgang dêh čar mơ̆ng djuai ania Việt Nam, hơmâo na nao tơlơi tuh drah pơčah asar, pơyơr pran jua prong prin mơ̆ng lu gưl khul đah kơmơi hrơi hrŏm hơbit gum pơgôp, gum tơngan man pơdong hăng pơgang lŏn ia kông ngăn dêh čar. Hơdôm thun rơgao, Kơnuk kơna Việt Nam ƀu pơdơi ngă pơgiong hăng gir run ngă tui djơ̆ jơlan hơdră kiăng pơgang ba tơlơi dưi kơ đah kơmơi, pơtrut ngă tui tơlơi phiăn bơkơnar hăng tơlơi thâo rơgơi tŭ yua kơ ƀing đah kơmơi hrơi.

Ră anai, ƀơi Việt Nam, ƀing đah kơmơi mrô mơnuih truh 50%, jing ha mơkrah mrô mơnuih amăng dêh čar laih anun glăk glăm ba lu bruă mă pơprong hrŏm hăng đah kơmơi mă bruă amăng lŏn ia djru pơblih phrâo lŏn ia. Ăt amăng tal anai mơ̆n, Kơ-iăng khua mir sir pơdah rai pran jua bơni hăng čang rơmang ƀing đah kơmơi ngă khua anih jưh pơ ala, khua pơ ala djop khul, anom bruă jar kmar djru hrŏm bruă ngă hrŏm Việt Nam amăng jơlan hơdră ngă tui tŭ yua tơlơi kiăng pơblih phrâo hăng mut phung jar kmar, amăng anun tơhnal pơkă bơkơnar đah rơkơi hăng đah kơmơi laih anun jao tơlơi dưi lu hloh kơ đah kơmơi.