Kơ-iăng khua mir sir yă Võ Thị Ánh Xuân lăng yôm hơdôm tơlơi pơplih klă hiam amăng tơlơi rô nao rai Việt Nam - Thuỵ Sỹ tơdơi kơ rơbêh 50 thun akŏ pơdong pơtom hiăp, biă ñu amăng bruă bơwih ƀong huă, sĭ mơdrô, tuh pơ alin, pơtô hrăm, bưp mơnuih ƀôn sang dua bơnah; kiăng dua bơnah jơnum pơbưp khua mua djŏp gưl, biă ñu lĕ khua mua pơprong, pơtrut tui bruă ngă hrŏm dua bơnah hăng lu dêh čar.

Khua mir sir Thụy Sỹ, yă Viola Amher lăng yôm hơdôm boh than ba glăi mơ̆ng bruă bơwih ƀong, mơnuih mơnam mơ̆ng Việt Nam amăng hơdôm thun rơgao; pơsit dêh čar Thuỵ Sỹ lêng kơ lăng yôm tơlơi rô nao rai, ngă hrŏm amăng lu bruă hăng Việt Nam, laih dong lăi dua bơnah ăt dŏ hơmâo lu bruă, lu anih ngă hrŏm, pơđĭ tui amăng bruă bơwih ƀong, sĭ mơdrô hăng tuh pơ alin. Khua mir sir dêh čar Thuỵ Sỹ thâo hluh tơlơi pơmin mơ̆ng Kơ-iăng khua mir sir yă Võ Thị Ánh Xuân kơ tơlơi yôm mơ̆ng bruă bơkơnar đah kơmơi đah rơkơi hăng pơđĭ tui tơlơi dưi mơ̆ng đah kơmơi amăng hrơi mông jar kmar hơmâo lu tơlơi pơplih ră anai.