Găn rơgao 74 thun man pơdong, mơ̆ng sa boh sang ia jrao anet, ră anai Sang ia jrao jing anom bruă ia jrao rơgơi, prong tuč rơnuč mơ̆ng kual čư̆ siăng gah Kơdư, jing sa amăng 6 boh sang ia jrao yôm phara ƀơi dêh čar ta; ngă klă bruă khăm, pơjrao tơlơi ruă, pơtô pơjuăt, kơsem min boh thâo hăng ngă hrŏm jar kmar. Rim hrơi, sang ia jrao prong Thái Nguyên khăm pơjrao brơi giăm 2 rơbâo čô mơnuih ruă nao khăm mă glăi, hăng 1 rơbâo 700 čô mơnuih dŏ đih glăi; rim thun khăm brơi kơ năng ai 200 rơbâo wơ̆t čô mơnuih.

Amăng hơdôm thun laih rơgao, Sang ia jrao hơmâo sem lăng lu tơlơi čih pơčeh boh thâo ia rơgơi, boh thâo kĭ thuâ̆t măi mok phrâo; ba mă yua abih bang hơdôm boh thâo yôm phara mơ̆ng sang ia jrao laih anun jing sa amăng 15 boh sang ia jrao amăng lŏn ia ta dưi mă yua boh thâo kĭ thuâ̆t tơnap.