Tlam lơ 30/5, ƀơi anom mir sir, yă Võ Thị Ánh Xuân, Kơ-iăng Khua mir sir hơmâo tŭ jum ră ruai hăng grup khua mua pơ ala djop djuai ania mơnuih mơnam dêh čar Kur, yua kơ ơi Nhem Valy, ding kơna ping gah mơnuih ƀôn sang dêh čar Kur, Kơ-iăng khua anom bruă djop djuai ania mơnuih mơnam ngă rah khua čih pioh Khul gum pơgôp pơđĭ kyar lŏn ia Kur ngă khua khul rai čuă hăng mă bruă ƀơi Việt Nam.

Ƀơi mông tŭ jum, Kơ-iăng khua mir sir lăi pơtong, Việt Nam lăng yôm hăng pơđĭ tui bruă ngă giăng mah rô nao rai mơak klă gơyut gơyâo adơi ayong Việt Nam hăng Kur. Lăng yôm bruă ngă hrom dua bơnah anom bruă wai lăng djop djuai ania mơnuih mơnam dêh čar, kơ-iăng khua mir sir čang rơmang ngă tui klă bruă pơkôl ngă hrom dua bơnah, pơđĭ tui tơlơi gơgrong mơ̆ng anom bruă wai lăng djop djuai ania mơnuih mơnam dua bơnah laih anun ngă hrom tong ten mơ̆ng dua bơnah ping gah, kơnuk kơna hăng mơnuih ƀôn sang dêh čar ăt kah hăng bruă ngă hrom mơ̆ng djop tơring čar, boh nik ñu hơdôm tơring čar giăm guai dêh čar.