17 čô khua tơring čar Kon Tum hơmâo brơi hră pơdơi bruă hlâo kơ thun pơkă hơmâo thun tơkeng mơ̆ng 1964 truh pơ thun 1971. Amăng 17 čô khua amăng Khul khua apăn bruă phun Ping gah tơring čar Kon Tum wai lăng pơdơi bruă hlâo kơ thun pơkă hơmâo ơi Nguyễn Trung Hải, Khua anom pơtô bruă Ping gah tơring čar; ơi Bùi Thái Trọng, Khua ping gah Hơdôm anom bruă kơnuk kơna hăng Anom bơwih ƀong tơring čar.

6 čô khua gơnong bruă hơmâo brơi hră pơdơi bruă hlâo kơ thun pơkă anun lĕ ơi Ngô Việt Thành, Khua gơnong bruă man pơphô hăng tuh pơ alin; Nguyễn Văn Lân, Khua gơnong bruă čar; ơi Nguyễn Văn Lộc, Khua gơnong bruă Kông ngăn lŏn tơnah hăng ayuh hyiăng; ơi Nguyễn Quang Hải, Khua gơnong bruă man pơdong; ơi Bùi Thanh Bình, Khua Gơnong bruă boh thâo ia rơgơi phrâo; A Kang, Khua gơnong bruă mơnuih mă bruă - tơhan rơka hăng mơnuih mơnam. hrŏm hăng anun hơmâo 9 čô kơ-iăng khua gơnong bruă hăng Kơ-iăng khua anom bruă anet prong amăng tơring čar Kon Tum ăt hơmâo hră pơdơi bruă hlâo kơ thun lơtret mơn.