Không phang khŏt ia sui hrơi glăk ngă hơdôm rơtuh rơbâo ektar glai rưng ƀơi 10 boh tơring glông, plơi prong amăng tơring čar Kon Tum amra ƀuh apui ƀong. Ƀing mơnuih arăng jao wai lăng glai glăk pơpha mơnuih wai lăng. Ơi Ngô Tùng Khoa, Kơ-iăng khua kông ti TNHH sa ding kơna wai lăng glai Ngọc Hồi, anom bruă wai lăng rơbêh 23.400 ektar glai brơi thâo, bruă wai pơgang glai rưng hŭi apui ƀong glăk đing nao biă mă.

Gơgrong pơgang hŭi apui ƀong, hơdôm anih anom wai lăng glai amăng tơring čar Kon Tum glăk dong ƀơi anăp kơ bruă kơƀah djop mơta, ngă tơnap jai tơnap tui: Glai rưng prong samơ̆ mơnuih wai lăng aset đôč, rơdêh măi mok ƀu pơhlôm brơi. Bruă wai lăng mơnuih mut nao rai kah hăng pơgang hŭi apui ƀong aka ƀu kjăp yua lŏn kual glai rưng dua gah jơlan, jum dar đang hmua mơnuih ƀôn sang.