Ngă hrom hơdră anai, hơmâo rơbêh 300 čô tơdăm dra mut phung. Hlăk ai dua boh tơring čar Kon Tum hăng Lâm Đồng hơmâo pơphun lu bruă mă yôm kah hăng: ƀơk gơnam kơ khua mua, ling tơhan puih kơđông tơhan guai dêh čar ƀơi Đak Xú; ƀơk 20 anung gơnam prăk hrăm hră, kơdung pơhlôm brơi kơ čơđai sang hră hăng sang anŏ ƀun rin tơnap tap; djru prăk man pơdong ring bruă hlăk ai tŭi bơngač jơlan guai dêh čar; ƀơk 1000 blah hla kơ dêh čar kơ mơnuih ƀôn sang, pơkă lăng tơlơi duam ruă hăng ƀơk ia jrao huăi apah prăk kơ 300 wơ̆t mơnuih ƀôn sang; ngă hrom hyu tir, rơmet jơlan guai dêh čar, jah rơ̆k pum jơlan hyu tir laih anun jơnum kơkuh kơ ƀơi tơmeh gong pơkă guai ƀơi 3 boh dêh čar.

Hơdră blan 3 guai dêh čar djru pơtrut pran jua tơlơi pơmin glăm ba mơ̆ng tơdăm dra mut phung dŏ ƀơi kual giăm guai dêh čar, kual ataih, mơ̆ng anun pơđĭ kyar bơwih ƀong huă mơnuih mơnam, man pơdong plơi pla phrâo.